ik ik qadam pe rakkhī hai yuuñ zindagī kī laaj

ġham kā bhī ehtirām kiyā hai ḳhushī ke saath

ek ek qadam pe rakkhi hai yun zindagi ki laj

gham ka bhi ehtiram kiya hai KHushi ke sath

har qadam par rah-e-mohabbat meñ

zindagī kā savāl aatā hai

har qadam par rah-e-mohabbat mein

zindagi ka sawal aata hai

mujhe chāk-e-garebāñ par hañsī aa.ī to hai lekin

mire hañsne pe un kī aañkh bharī aa.ī to kyā hogā

mujhe chaak-e-gareban par hansi aai to hai lekin

mere hansne pe un ki aankh bhari aai to kya hoga

ham ne irāda tark-e-tamannā kā jab kiyā

terā ḳhayāl ai dil-e-nākām aa gayā

hum ne irada tark-e-tamanna ka jab kiya

tera KHayal ai dil-e-nakaam aa gaya