کلیم حیدر شرر کی شاعری

کلیم حیدر شرر کے اشعار

کئی لوگوں نے پھلتے پھولتے پیڑوں سے جانا ہے

مگر میں نے تجھے سبزے کی عریانی سے پہچانا

اب اس کو زندگی کہئے کہ عہد بے حسی کہئے

گھروں میں لوگ روتے ہیں مگر رستوں پہ ہنستے ہیں

یہاں پہ دشت و سمندر کی بات مت کرنا

ہمارے شہر کا ہر شخص ہے مکان زدہ

حقیقت ہے اسے مانیں نہ مانیں گھٹتی بڑھتی ہیں

وہ جھوٹی ہوں کہ سچی داستانیں گھٹتی بڑھتی ہیں

اپنے دروازے پہ بیٹھا سوچتا رہتا ہوں میں

میرا گھر اجداد کی بارہ دری کا کرب ہے

سسکیاں بھر کے شررؔ کون وہاں روتا تھا

خیمۂ خواب سر شام جہاں پر ٹوٹا