اور تھوڑا سا بکھر جاؤں یہی ٹھانی ہے

زندگی میں نے ابھی ہار کہاں مانی ہے

بہت اداس ہیں دیواریں اونچے محلوں کی

یہ وہ کھنڈر ہیں کہ جن میں امیر رہتے ہیں

خود کو کبھی میں پا نہ سکا

جانے کتنا گہرا ہوں

لفظوں کے ہیر پھیر سے بنتی نہیں غزل

شعروں میں تھوڑی گرمئ جذبات بھی تو ہو

جی چاہتا ہے ترک محبت کو بار بار

آتا ہے ایک ایسا بھی لمحہ وصال میں

غم اٹھاتا ہوں غزل کہتا ہوں جیتا رہتا ہوں

لوگ کہتے ہیں کہ اک دن میرؔ ہو جاؤں گا میں

کٹتی ہے شب وصال کی پلکیں جھپکتے ہی

جس کی صبح نہ ہو کبھی وہ رات بھی تو ہو

گرچہ ہلکا سا دھندلکا ہے تصور بھی ترا

بند آنکھوں کو یہ منظر بھی بہت لگتا ہے