ik haath meñ mere chaa.e kā cup ik haath meñ mere haath tirā

hāthoñ ko talab hai hāthoñ kī aur dil ko talab hai saath tirā

ek hath mein mere chae ka cup ek hath mein mere hath tera

hathon ko talab hai hathon ki aur dil ko talab hai sath tera

hai muqaddar meñ zuleḳhā se judā.ī shāyad

ḳhvāb meñ misr ke bāzār nazar aate haiñ

hai muqaddar mein zuleKHa se judai shayad

KHwab mein misr ke bazar nazar aate hain

muskurātā huuñ to rotā hai mirā zaḳhm-e-jigar

rone lagtā huuñ to hoñToñ ko chubhan hotī hai

muskuraata hun to rota hai mera zaKHm-e-jigar

rone lagta hun to honTon ko chubhan hoti hai

apne hāthoñ ko chūmtā hogā

terī zulfeñ sañvārne vaalā

apne hathon ko chumta hoga

teri zulfen sanwarne wala

ulfat to dekhiye mirī dīdār ke sabab

darvesh ban ke yaar kī chaukhaT pe aa gayā

ulfat to dekhiye meri didar ke sabab

darwesh ban ke yar ki chaukhaT pe aa gaya

zavāl ye hai ki ham zindagī se haar ga.e

kamāl ye hai ki ham zindagī guzār ga.e

zawal ye hai ki hum zindagi se haar gae

kamal ye hai ki hum zindagi guzar gae

ġhurbat ne chhīn liiñ mere chehre kī raunaqeñ

yuuñ to kisī amiir se kamtar nahīñ huuñ maiñ

ghurbat ne chhin lin mere chehre ki raunaqen

yun to kisi amir se kamtar nahin hun main

aap ne eid mubārak to kahā hai lekin

aap ne eid manāne kī ijāzat nahīñ dī

aap ne eid mubarak to kaha hai lekin

aap ne eid manane ki ijazat nahin di

sunā hai tāliyāñ bajtī haiñ us kī aamad par

sunā hai log gharoñ se nikal ke dekhte haiñ

suna hai taliyan bajti hain us ki aamad par

suna hai log gharon se nikal ke dekhte hain

kuchh to ḳhayāl kar mirī umr-e-darāz kā

sadiyāñ guzar ga.ī haiñ tire intizār meñ

kuchh to KHayal kar meri umr-e-daraaz ka

sadiyan guzar gai hain tere intizar mein

shaiḳh jī masjid meñ jaao mai-kade ko chhoḌ do

chaar din kī chāñdnī hai phir añdherī raat hai

shaiKH ji masjid mein jao mai-kade ko chhoD do

chaar din ki chandni hai phir andheri raat hai

ek muddat se niiñd taarī hai

ek muddat se so nahīñ paa.e

ek muddat se nind tari hai

ek muddat se so nahin pae

vaqt ke paañv bhī nahīñ mehvar

aur raftār bhī ġhazab kī hai

waqt ke panw bhi nahin mehwar

aur raftar bhi ghazab ki hai

yaqīn jāniye tab jā ke pyaar hotā hai

kisī ke zehn pe jab dil savār hotā hai

yaqin jaaniye tab ja ke pyar hota hai

kisi ke zehn pe jab dil sawar hota hai

aaj gar bole nahīñ haq baat par

kal sitam hoñge tumhārī zaat par

aaj gar bole nahin haq baat par

kal sitam honge tumhaari zat par

hai muqaddar meñ zuleḳhā se judā.ī shāyad

ḳhvāb meñ misr ke bāzār nazar aate haiñ

hai muqaddar mein zuleKHa se judai shayad

KHwab mein misr ke bazar nazar aate hain

nafratoñ kā ilaaj karnā hai

kuchh mohabbat atā karo jānāñ

nafraton ka ilaj karna hai

kuchh mohabbat ata karo jaanan

kū-e-jānāñ se apnī sāñsoñ par

dil kī mayyat uThā ke le aa.e

ku-e-jaanan se apni sanson par

dil ki mayyat uTha ke le aae

tark-e-ta.alluqāt pe raazī nahīñ huuñ maiñ

ya.anī tumhārī baat pe raazī nahīñ huuñ maiñ

tark-e-talluqat pe raazi nahin hun main

yani tumhaari baat pe raazi nahin hun main

is liye ḳhaak se ulfat hai ki ḳhaak honā hai

ye rivāyat nahīñ aayat hai ki ḳhaak honā hai

is liye KHak se ulfat hai ki KHak hona hai

ye riwayat nahin aayat hai ki KHak hona hai

merī āvāz pe labbaik na kahne vaale

terī aahaT ko bhī āñkhoñ se lagāyā maiñ ne

meri aawaz pe labbaik na kahne wale

teri aahaT ko bhi aankhon se lagaya main ne

taan lī āñkhoñ ne chādar niiñd kī

aap kā dīdār karne ke liye

tan li aankhon ne chadar nind ki

aap ka didar karne ke liye

'ajab safā.ī hai us kūza-gar ke hāthoñ meñ

shikasta shai bhī salāmat dikhā.ī detī hai

'ajab safai hai us kuza-gar ke hathon mein

shikasta shai bhi salamat dikhai deti hai

us kī urdu bolne vaalī āñkhoñ ne

aksar mere hoñT siiye haiñ nazroñ se

us ki urdu bolne wali aankhon ne

aksar mere honT siye hain nazron se

udāsī kī tijārat kar rahe haiñ

firāq-e-yār hai pesha hamārā

udasi ki tijarat kar rahe hain

firaq-e-yar hai pesha hamara

kisī bhī taur mil sake na tīrgī ko rāsta

charāġh hī nazar meñ ho charāġh se charāġh tak

kisi bhi taur mil sake na tirgi ko rasta

charagh hi nazar mein ho charagh se charagh tak

avval to be-vafāoñ kī arvāh khīñchtā

maut-o-hayāt hotī agar iḳhtiyār meñ

awwal to be-wafaon ki arwah khinchta

maut-o-hayat hoti agar iKHtiyar mein

saarī duniyā se ijtināb karo

ek hī shaḳhs intiḳhāb karo

sari duniya se ijtinab karo

ek hi shaKHs intiKHab karo

mere zaḳhmoñ pe namak Dālne vaale sun le

tere zaḳhmoñ ko mayassar nahīñ hogā marham

mere zaKHmon pe namak Dalne wale sun le

tere zaKHmon ko mayassar nahin hoga marham

ġhaur se dekhnā hañste hue chehre kī taraf

ek manzar pas-e-manzar ka.ī manzar degā

ghaur se dekhna hanste hue chehre ki taraf

ek manzar pas-e-manzar kai manzar dega

hamārī sāda-dilī ham ne de diyā ḳhanjar

unhoñ ne zikr kiyā thā ki āzmānā hai

hamari sada-dili hum ne de diya KHanjar

unhon ne zikr kiya tha ki aazmana hai

gale kā haar kyoñ samjhā thā tum ne

agar pāzeb kī jhankār thā maiñ

gale ka haar kyon samjha tha tum ne

agar pazeb ki jhankar tha main

hameñ bhī hotī kisī roz hasrat-e-dīdār

jo koh-e-tūr pe muusā ga.e nahīñ hote

hamein bhi hoti kisi roz hasrat-e-didar

jo koh-e-tur pe musa gae nahin hote

firāq-e-yār ke dukhḌe sunā.eñge kab tak

ki sāma'īn bhī mauzū' jadīd chāhte haiñ

firaq-e-yar ke dukhDe sunaenge kab tak

ki sama'in bhi mauzu' jadid chahte hain

hamārī tabī'at ko sahrā kī jānib

hamārā hī shauq-e-junūñ khīñchtā hai

hamari tabi'at ko sahra ki jaanib

hamara hi shauq-e-junun khinchta hai

mehnat-o-mashaqqat se zindagī meñ rāhat hai

haath kī lakīroñ meñ kab likhī haiñ taqdīreñ

mehnat-o-mashaqqat se zindagi mein rahat hai

hath ki lakiron mein kab likhi hain taqdiren

chhoḌ aayā putliyāñ sub.h-e-banāras jhiil par

dil hamesha ke liye shām-e-avadh meñ rakh diyā

chhoD aaya putliyan subh-e-banaras jhil par

dil hamesha ke liye sham-e-awadh mein rakh diya

'ahd kartā hai tirā chāhne vaalā tujh se

'umr-bhar sog manā.egā tirī yādoñ kā

'ahd karta hai tera chahne wala tujh se

'umr-bhar sog manaega teri yaadon ka

maiñ kūcha-e-jānāñ se sū-e-dasht chalā huuñ

kuchh der meñ hone ko hai ab chāñd-gahan dekh

main kucha-e-jaanan se su-e-dasht chala hun

kuchh der mein hone ko hai ab chand-gahan dekh

musāfir kuuch kar ke jā chuke haiñ

faqat sunsān rasta rah gayā hai

musafir kuch kar ke ja chuke hain

faqat sunsan rasta rah gaya hai

sar kāTnā chāho to baḌe shauq se kaaTo

nazreñ na uThānā mirī dastār kī jānib

sar kaTna chaho to baDe shauq se kaTo

nazren na uThana meri dastar ki jaanib

ḳhvāhish-e-nafs sadā maar ke so jaate haiñ

ham vo mazdūr jo thak-hār ke so jaate haiñ

KHwahish-e-nafs sada mar ke so jate hain

hum wo mazdur jo thak-haar ke so jate hain

vo apne ‘abd-e-haqīqī ko āzmātā hai

har ik bashar kā yahāñ imtihāñ nahīñ hotā

wo apne ‘abd-e-haqiqi ko aazmata hai

har ek bashar ka yahan imtihan nahin hota

ye sadā aa rahī hai qabroñ se

'ishq qātil hai ham ġharīboñ kā

ye sada aa rahi hai qabron se

'ishq qatil hai hum gharibon ka