zabāñ par aah rahī lab se lab kabhū na milā

tirī talab to milī kyā huā jo tū na milā

zaban par aah rahi lab se lab kabhu na mila

teri talab to mili kya hua jo tu na mila

ham se vahshī nahīñ hone ke giraftār kabhī

log dīvāne haiñ zanjīr liye phirte haiñ

hum se wahshi nahin hone ke giraftar kabhi

log diwane hain zanjir liye phirte hain

saat āsmāñ kī sair hai pardoñ meñ aañkh ke

āñkheñ khulīñ to turfa tamāshā nazar paḌā

sat aasman ki sair hai pardon mein aankh ke

aankhen khulin to turfa tamasha nazar paDa

nikal gayā mirī āñkhoñ se misl-e-ḳhvā-o-ḳhayāl

guzar gayā dil-e-raushan se vo nazar ban kar

nikal gaya meri aankhon se misl-e-KHwa-o-KHayal

guzar gaya dil-e-raushan se wo nazar ban kar

vaa.iz butoñ ke aage na furqāñ nikāliye

sūrat se un kī ma.anī-e-qur.āñ nikāliye

waiz buton ke aage na furqan nikaliye

surat se un ki mani-e-quran nikaliye