ḳhudā ke vāste is ko na Toko

yahī ik shahr meñ qātil rahā hai

KHuda ke waste is ko na Toko

yahi ek shahr mein qatil raha hai

ye hasrat rah ga.ī kyā kyā maze se zindagī karte

agar hotā chaman apnā gul apnā bāġhbāñ apnā

ye hasrat rah gai kya kya maze se zindagi karte

agar hota chaman apna gul apna baghban apna

rusvā agar na karnā thā aalam meñ yuuñ mujhe

aisī nigāh-e-nāz se dekhā thā kyuuñ mujhe

ruswa agar na karna tha aalam mein yun mujhe

aisi nigah-e-naz se dekha tha kyun mujhe

ye dil kab ishq ke qābil rahā hai

kahāñ is ko dimāġh o dil rahā hai

ye dil kab ishq ke qabil raha hai

kahan is ko dimagh o dil raha hai

jo tū ne kī so dushman bhī nahīñ dushman se kartā hai

ġhalat thā jānte the tujh ko jo ham mehrbāñ apnā

jo tu ne ki so dushman bhi nahin dushman se karta hai

ghalat tha jaante the tujh ko jo hum mehrban apna

itnī fursat de ki ruḳhsat ho leñ ai sayyād ham

muddatoñ is baaġh ke saaye meñ the āzād ham

itni fursat de ki ruKHsat ho len ai sayyaad hum

muddaton is bagh ke saye mein the aazad hum

us gul ko bhejnā hai mujhe ḳhat sabā ke haath

is vāste lagā huuñ chaman kī havā ke haath

us gul ko bhejna hai mujhe KHat saba ke hath

is waste laga hun chaman ki hawa ke hath

ham giraftāroñ ko ab kyā kaam hai gulshan se lek

jī nikal jaatā hai jab sunte haiñ aatī hai bahār

hum giraftaron ko ab kya kaam hai gulshan se lek

ji nikal jata hai jab sunte hain aati hai bahaar