ik baar us ne mujh ko dekhā thā muskurā kar

itnī to hai haqīqat baaqī kahāniyāñ haiñ

ek bar us ne mujh ko dekha tha muskura kar

itni to hai haqiqat baqi kahaniyan hain

go qayāmat se peshtar na huī

tum na aa.e to kyā sahar na huī

go qayamat se peshtar na hui

tum na aae to kya sahar na hui

tum bhī karoge jabr shab o roz is qadar

ham bhī kareñge sabr magar iḳhtiyār tak

tum bhi karoge jabr shab o roz is qadar

hum bhi karenge sabr magar iKHtiyar tak

rāteñ aish-o-ishrat kī din dukh dard musībat ke

aatī aatī aatī haiñ jaate jaate jaate haiñ

raaten aish-o-ishrat ki din dukh dard musibat ke

aati aati aati hain jate jate jate hain

kahnā hī mirā kyā hai ki maiñ kuchh nahīñ kahtā

ye bhī tumheñ dhokā hai ki maiñ kuchh nahīñ kahtā

kahna hi mera kya hai ki main kuchh nahin kahta

ye bhi tumhein dhoka hai ki main kuchh nahin kahta

itnī tauhīn na kar merī balā-noshī kī

sāqiyā mujh ko na de maap ke paimāne se

itni tauhin na kar meri bala-noshi ki

saqiya mujh ko na de map ke paimane se

aalam hai tire partav-e-ruḳh se ye hamārā

hairat se hameñ shams-o-qamar dekh rahe haiñ

aalam hai tere partaw-e-ruKH se ye hamara

hairat se hamein shams-o-qamar dekh rahe hain

din judā.ī kā diyā vasl kī shab ke badle

lene the ai falak-e-pīr ye kab ke badle

din judai ka diya wasl ki shab ke badle

lene the ai falak-e-pir ye kab ke badle