maut se kis ko rustagārī hai

aaj vo kal hamārī baarī hai

maut se kis ko rustagari hai

aaj wo kal hamari bari hai

gesū ruḳh par havā se hilte haiñ

chaliye ab donoñ vaqt milte haiñ

gesu ruKH par hawa se hilte hain

chaliye ab donon waqt milte hain

dekh lo ham ko aaj jī bhar ke

koī aatā nahīñ hai phir mar ke

dekh lo hum ko aaj ji bhar ke

koi aata nahin hai phir mar ke

chaman meñ shab ko ghirā abr-e-nau-bahār rahā

huzūr aap kā kyā kyā na intizār rahā

chaman mein shab ko ghira abr-e-nau-bahaar raha

huzur aap ka kya kya na intizar raha

sābit ye kar rahā huuñ ki rahmat-shanās huuñ

har qism kā gunāh kiye jā rahā huuñ maiñ

sabit ye kar raha hun ki rahmat-shanas hun

har qism ka gunah kiye ja raha hun main

ga.e jo aish ke din maiñ shabāb kyā kartā

lagā ke jaan ko apnī azaab kyā kartā

gae jo aish ke din main shabab kya karta

laga ke jaan ko apni azab kya karta