is daur meñ insān kā chehra nahīñ miltā

kab se maiñ naqāboñ kī taheñ khol rahā huuñ

is daur mein insan ka chehra nahin milta

kab se main naqabon ki tahen khol raha hun

tirī adāoñ kī sādgī meñ kisī ko mahsūs bhī na hogā

abhī qayāmat kā ik karishma hayā ke dāman meñ pal rahā hai

teri adaon ki sadgi mein kisi ko mahsus bhi na hoga

abhi qayamat ka ek karishma haya ke daman mein pal raha hai

sirf alfāz pe mauqūf nahīñ lutf-e-suḳhan

aañkh ḳhāmosh agar hai to zabāñ kuchh bhī nahīñ

sirf alfaz pe mauquf nahin lutf-e-suKHan

aankh KHamosh agar hai to zaban kuchh bhi nahin

ab kisī dard kā shikva na kisī ġham kā gilā

merī hastī ne baḌī der meñ paayā hai mujhe

ab kisi dard ka shikwa na kisi gham ka gila

meri hasti ne baDi der mein paya hai mujhe

hai 'farīdī' ajab rañg-e-bazm-e-jahāñ miT rahā hai yahāñ farq-e-sūd-o-ziyāñ

nuur kī bhiik tāroñ se lene lagā āftāb apnī ik ik kiran bech kar

hai 'faridi' ajab rang-e-bazm-e-jahan miT raha hai yahan farq-e-sud-o-ziyan

nur ki bhik taron se lene laga aaftab apni ek ek kiran bech kar

ham ne māñgā thā sahārā to milī is kī sazā

ghaTte baḌhte rahe ham sāya-e-dīvār ke saath

hum ne manga tha sahaara to mili is ki saza

ghaTte baDhte rahe hum saya-e-diwar ke sath