ye kamra band hai chāroñ taraf se

udāsī kis taraf se aa rahī hai

ye kamra band hai chaaron taraf se

udasi kis taraf se aa rahi hai

hazāroñ āñkheñ mujhe be-zabāñ samajhtī haiñ

jo dekhtā hai maiñ us ko sunā.ī detā huuñ

hazaron aankhen mujhe be-zaban samajhti hain

jo dekhta hai main us ko sunai deta hun

tū bahut ḳhush nazar aatā hai mujhe itnā batā

mujh se pahle bhī koī shaḳhs yahāñ aayā thā

tu bahut KHush nazar aata hai mujhe itna bata

mujh se pahle bhi koi shaKHs yahan aaya tha

rāste kī namī batātī hai

ābla-pā yahāñ se guzre haiñ

raste ki nami batati hai

aabla-pa yahan se guzre hain

shahr chhoTā hai magar dil hai kushāda itnā

ham baḌe shahr meñ hote to samundar hote

shahr chhoTa hai magar dil hai kushada itna

hum baDe shahr mein hote to samundar hote