'āzurdā' mar ke kūcha-e-jānāñ meñ rah gayā

dī thī duā kisī ne ki jannat meñ ghar mile

'azurda' mar ke kucha-e-jaanan mein rah gaya

di thi dua kisi ne ki jannat mein ghar mile

falak ne bhī sīkhe haiñ tere hī taur

ki apne kiye par pashemāñ nahīñ

falak ne bhi sikhe hain tere hi taur

ki apne kiye par pasheman nahin

is dard-e-judā.ī se kahīñ jaan nikal jaa.e

'āzurdā' mire haq meñ zarā yuuñ bhī duā kar

is dard-e-judai se kahin jaan nikal jae

'azurda' mere haq mein zara yun bhi dua kar

maiñ aur zauq-e-bāda-kashī le ga.iiñ mujhe

ye kam-nigāhiyāñ tirī bazm-e-sharāb meñ

main aur zauq-e-baada-kashi le gain mujhe

ye kam-nigahiyan teri bazm-e-sharab mein

vo aur va.ada vasl kā qāsid nahīñ nahīñ

sach sach batā ye lafz unhī kī zabāñ ke haiñ

wo aur wada wasl ka qasid nahin nahin

sach sach bata ye lafz unhi ki zaban ke hain