rakhte haiñ jo allāh kī qudarat pe bharosa

duniyā meñ kisī kī vo ḳhushāmad nahīñ karte

rakhte hain jo allah ki qudarat pe bharosa

duniya mein kisi ki wo KHushamad nahin karte

rāste meñ mil ga.e to pūchh lete haiñ mizāj

is se baḌh kar aur kyā un kī ināyat chāhiye

raste mein mil gae to puchh lete hain mizaj

is se baDh kar aur kya un ki inayat chahiye

hadīs-e-dil ba-zabān-e-nazar bhī kah na sakā

huzūr-e-husn baḌhī aur bebasī merī

hadis-e-dil ba-zaban-e-nazar bhi kah na saka

huzur-e-husn baDhi aur bebasi meri

un kī nigāh-e-lutf kī tāsīr kyā kahūñ

zarre ko āftāb banā kar chale ga.e

un ki nigah-e-lutf ki tasir kya kahun

zarre ko aaftab bana kar chale gae

ḳhudā jaane ye soz-e-zabt hai yā zaḳhm-e-nākāmī

kabhī hotī na thī siine meñ lekin ye jalan pahle

KHuda jaane ye soz-e-zabt hai ya zaKHm-e-nakaami

kabhi hoti na thi sine mein lekin ye jalan pahle

vaj.h-e-sukūñ na ban sakīñ husn kī dil-navāziyāñ

baḌh ga.iiñ aur uljhaneñ tum ne jo muskurā diyā

wajh-e-sukun na ban sakin husn ki dil-nawaziyan

baDh gain aur uljhanen tum ne jo muskura diya

unheñ ḳhudā kā amal sharmsār kar degā

bichhā rahe haiñ jo kāñTe kisī kī rāhoñ meñ

unhen KHuda ka amal sharmsar kar dega

bichha rahe hain jo kanTe kisi ki rahon mein

duniyā ke is ibrat-ḳhāne meñ hālāt badalte rahte haiñ

jo log the kal mash.hūr-e-jahāñ haiñ aaj vahī gumnāmī meñ

duniya ke is ibrat-KHane mein haalat badalte rahte hain

jo log the kal mashhur-e-jahan hain aaj wahi gumnami mein

tark-e-ta.alluqāt kā kuchh un ko ġham nahīñ

ham to shikast-e-ahd-e-vafā se malūl haiñ

tark-e-talluqat ka kuchh un ko gham nahin

hum to shikast-e-ahd-e-wafa se malul hain

sochā thā un se baat nibhā.eñge umr bhar

ye aarzū bhī tishna-e-takmīl rah ga.ī

socha tha un se baat nibhaenge umr bhar

ye aarzu bhi tishna-e-takmil rah gai

bāñdhā thā ḳhud hī aap ne paiġhām-e-iltifāt

kyā baat thī jo aap hī ḳhud bad-gumāñ hue

bandha tha KHud hi aap ne paigham-e-iltifat

kya baat thi jo aap hi KHud bad-guman hue