یہ لمحہ لمحہ زندہ رہنے کی خواہش کا حاصل ہے

کہ لحظہ لحظہ اپنے آپ ہی میں مر رہا ہوں میں

مری نظر میں گئے موسموں کے رنگ بھی ہیں

جو آنے والے ہیں ان موسموں سے ڈرنا کیا

دل ایک اور ہزار آزمائشیں غم کی

دیا جلا تو تھا لیکن ہوا کی زد پر تھا

نظر چرا کے وہ گزرا قریب سے لیکن

نظر بچا کے مجھے دیکھتا بھی جاتا تھا

یہ حال ہے مرے دیوار و در کی وحشت کا

کہ میرے ہوتے ہوئے بھی مکان خالی ہے

ہزار بار خود اپنے مکاں پہ دستک دی

اک احتمال میں جیسے کہ میں ہی اندر تھا

بجھے ہوئے در و دیوار دیکھنے والو

اسے بھی دیکھو جو اک عمر یاں گزار گیا