hamārī raah se patthar uThā kar pheñk mat denā

lagī haiñ Thokareñ tab jā ke chalnā siikh paa.e haiñ

hamari rah se patthar uTha kar phenk mat dena

lagi hain Thokaren tab ja ke chalna sikh pae hain

inkār kar rahā huuñ to qīmat buland hai

bikne pe aa gayā to girā deñge daam log

inkar kar raha hun to qimat buland hai

bikne pe aa gaya to gira denge dam log

tārīkiyāñ qubūl thiiñ mujh ko tamām umr

lekin maiñ jugnuoñ kī ḳhushāmad na kar sakā

tarikiyan qubul thin mujh ko tamam umr

lekin main jugnuon ki KHushamad na kar saka

ye ishq ke ḳhutūt bhī kitne ajiib haiñ

āñkheñ vo paḌh rahī haiñ jo tahrīr bhī nahīñ

ye ishq ke KHutut bhi kitne ajib hain

aankhen wo paDh rahi hain jo tahrir bhi nahin

zaḳhm abhī tak taaza haiñ har daaġh sulagtā rahtā hai

siine meñ ik jaliyāñ-vālā-bāġh sulagtā rahtā hai

zaKHm abhi tak taza hain har dagh sulagta rahta hai

sine mein ek jaliyan-wala-bagh sulagta rahta hai