kis ne vafā ke naam pe dhokā diyā mujhe

kis se kahūñ ki merā gunahgār kaun hai

kis ne wafa ke nam pe dhoka diya mujhe

kis se kahun ki mera gunahgar kaun hai

maut se ziist kī takmīl nahīñ ho saktī

raushnī ḳhaak meñ tahlīl nahīñ ho saktī

maut se zist ki takmil nahin ho sakti

raushni KHak mein tahlil nahin ho sakti

phir yuuñ huā ki mujh pe hī dīvār gir paḌī

lekin na khul sakā pas-e-dīvār kaun hai

phir yun hua ki mujh pe hi diwar gir paDi

lekin na khul saka pas-e-diwar kaun hai

zindagī bhar kī kamā.ī ye ta.alluq hī to hai

kuchh bache yā na bache is ko bachā rakhte haiñ

zindagi bhar ki kamai ye talluq hi to hai

kuchh bache ya na bache is ko bacha rakhte hain

zamīñ pe paañv zarā ehtiyāt se dharnā

ukhaḌ ga.e to qadam phir kahāñ sambhalte haiñ

zamin pe panw zara ehtiyat se dharna

ukhaD gae to qadam phir kahan sambhalte hain