choT khaa.e hue lamhoñ kā sitam hai ki use

ruuh ke chehre pe dikhte haiñ muhāñse kitne

choT khae hue lamhon ka sitam hai ki use

ruh ke chehre pe dikhte hain muhanse kitne

ek tasvīr ko haTāyā bas

dil kī dīvār ḳhālī ḳhālī hai

ek taswir ko haTaya bas

dil ki diwar KHali KHali hai

jiyā huuñ umr bhar maiñ bhī akelā

use bhī kyā milā nārāzgī se

jiya hun umr bhar main bhi akela

use bhi kya mila naraazgi se

kis ne sochā thā ki ḳhud se mil kar

apnī āvāz se Dar jaanā hai

kis ne socha tha ki KHud se mil kar

apni aawaz se Dar jaana hai

mire andar mirā kuchh bhī nahīñ bas tū hai baaqī

tire andar batā pyāre maiñ ab kitnā bachā huuñ

mere andar mera kuchh bhi nahin bas tu hai baqi

tere andar bata pyare main ab kitna bacha hun