koī aisī davā de chāra-gar

bhuul jā.ūñ maiñ āshnā chehre

koi aisi dawa de chaara-gar

bhul jaun main aashna chehre

dhuup jhumke pe jab paḌī us ke

Dar ke sūraj ne pher lī āñkheñ

dhup jhumke pe jab paDi us ke

Dar ke suraj ne pher li aankhen

chūḌiyāñ kyuuñ utaar diiñ tum ne

sub.heñ kitnī udaas rahtī haiñ

chuDiyan kyun utar din tum ne

subhen kitni udas rahti hain

ham udāsī ke parastār sahī

hañste chehroñ ko duā dete haiñ

hum udasi ke parastar sahi

hanste chehron ko dua dete hain

sivā us ke na koī aur merā dost ban paa.e

vo is Dar se zamāna meñ mujhe badnām kartā hai

siwa us ke na koi aur mera dost ban pae

wo is Dar se zamana mein mujhe badnam karta hai

maiñ ek pal meñ añdhere se haar jā.ūñgā

tamām umr charāġhoñ ke biich guzrī hai

main ek pal mein andhere se haar jaunga

tamam umr charaghon ke bich guzri hai

raat ab apne iḳhtitām pe hai

ehtirāman diye bujhā diije

raat ab apne iKHtitam pe hai

ehtiraman diye bujha dije

chhāte matlab kho dete haiñ

kyoñ itnī bārish hotī hai

chhate matlab kho dete hain

kyon itni barish hoti hai

hifāzat har kisī kī vo baḌī ḳhūbī se kartā hai

havā bhī chaltī rahtī hai diyā bhī jaltā rahtā hai

hifazat har kisi ki wo baDi KHubi se karta hai

hawa bhi chalti rahti hai diya bhi jalta rahta hai

mere ġham mujh se ye pūchhā karte haiñ

ghar meñ pañkhā hai to rassī bhī hogī

mere gham mujh se ye puchha karte hain

ghar mein pankha hai to rassi bhi hogi

ek bhī patthar na aayā raah meñ

niiñd meñ ham umr bhar chalte rahe

ek bhi patthar na aaya rah mein

nind mein hum umr bhar chalte rahe

junūñ ko Dhaal banāyā to bach ga.e varna

ye zindagī hameñ majbūr kar bhī saktī thī

junun ko Dhaal banaya to bach gae warna

ye zindagi hamein majbur kar bhi sakti thi

jis kī dastak meñ be-yaqīnī ho

aise mehmān se nahīñ milnā

jis ki dastak mein be-yaqini ho

aise mehman se nahin milna

dhuup bistar talak chalī aa.ī

phir bhī takiye pe hai namī baaqī

dhup bistar talak chali aai

phir bhi takiye pe hai nami baqi

khulte khulte mujh pe khulā ye

maiñ bhī duniyā ke jaisā huuñ

khulte khulte mujh pe khula ye

main bhi duniya ke jaisa hun

ye ishq hī thā jis se milī shohrateñ tumheñ

varna tumhārā shahr tumheñ jāntā na thā

ye ishq hi tha jis se mili shohraten tumhein

warna tumhaara shahr tumhein jaanta na tha

vo chāhte haiñ ki manzil kā zikr to aa.e

magar kahānī se rasta haTā liyā jaa.e

wo chahte hain ki manzil ka zikr to aae

magar kahani se rasta haTa liya jae

ba-zāhir dasht kī jānib to baḌhtā jā rahā hai

magar sab rāste bhī yaad kartā jā rahā hai

ba-zahir dasht ki jaanib to baDhta ja raha hai

magar sab raste bhi yaad karta ja raha hai