zindagī se tañg aa kar ḳhud-kushī kar lī kisī ne

aur koī ḳhud-kushī kartā rahā hai zindagī-bhar

zindagi se tang aa kar KHud-kushi kar li kisi ne

aur koi KHud-kushi karta raha hai zindagi-bhar

ḳhaak se paidā huā hai ḳhaak meñ mil jā.egā

ek kulhaḌ kī tarah hai aadmī kī zindagī

KHak se paida hua hai KHak mein mil jaega

ek kulhaD ki tarah hai aadmi ki zindagi

mile do vaqt kī roTī sukūñ se niiñd aa jaa.e

yahī pahlī zarūrat hai jise ham bhuul jaate haiñ

mile do waqt ki roTi sukun se nind aa jae

yahi pahli zarurat hai jise hum bhul jate hain

ik tarīqa ye bhī thā phal bāñTte vo umr-bhar

bhā.iyoñ ne peḌ kaaTā aur lakḌī baañT lī

ek tariqa ye bhi tha phal banTte wo umr-bhar

bhaiyon ne peD kaTa aur lakDi banT li

sab kā alag andāz thā sab rang rakhte the judā

rahnā sabhī ke saath thā so ḳhud ko paanī kar liyā

sab ka alag andaz tha sab rang rakhte the juda

rahna sabhi ke sath tha so KHud ko pani kar liya