huuñ ḳhafā saare zamāne se faqat tere liye

'ishq kī tauhīd mere tū kabhī to jānegā

hun KHafa sare zamane se faqat tere liye

'ishq ki tauhid mere tu kabhi to jaanega

ham-mizājī kā na yuuñ dā'vā karo

āshnā honā mirā āsāñ nahīñ

ham-mizaji ka na yun da'wa karo

aashna hona mera aasan nahin

pattharoñ ke ye sanam sunte haiñ kab

kaifiyat apnī ḳhudā hī jaane haiñ

pattharon ke ye sanam sunte hain kab

kaifiyat apni KHuda hi jaane hain

'ishq kī fitrat sadā āzād hai

qaid meñ dair-o-haram kī kab rahā

'ishq ki fitrat sada aazad hai

qaid mein dair-o-haram ki kab raha

is tarah duniyā se merī hai nibāh

āñdhiy.oñ meñ diip goyā jaltā ho

is tarah duniya se meri hai nibah

aandhiyon mein dip goya jalta ho

'ishq kī koī kasak hai yā karam urdu kā hai

bahr meñ Dhaltā hai yāroñ ḳhud-ba-ḳhud merā kalām

'ishq ki koi kasak hai ya karam urdu ka hai

bahr mein Dhalta hai yaron KHud-ba-KHud mera kalam

pārsā.ī kā tujhe 'rohit' milegā kyā samar

kahte haiñ duniyā jise sadiyoñ se be-tartīb hai

parsai ka tujhe 'rohit' milega kya samar

kahte hain duniya jise sadiyon se be-tartib hai

dekh kar 'ālam kā 'ālam kyā alam ab ham kareñ

jab ḳhudā ḳhud bhuul baiThā kah ke kun 'rohit' miyāñ

dekh kar 'alam ka 'alam kya alam ab hum karen

jab KHuda KHud bhul baiTha kah ke kun 'rohit' miyan

muḳhtalif andāz hai merā magar

dil meñ hai sūrat purānī sī vahī

muKHtalif andaz hai mera magar

dil mein hai surat purani si wahi

dil ke har goshe meñ jag achchhā nahīñ

kuchh ḳhalā bhī rakh ḳhudā ke vāste

dil ke har goshe mein jag achchha nahin

kuchh KHala bhi rakh KHuda ke waste

ho na ho nazr-e-karam lekin sanam

anjuman meñ aap kī hāzir to haiñ

ho na ho nazr-e-karam lekin sanam

anjuman mein aap ki hazir to hain

baab sab ham ne mohabbat ke paḌhe

'mīr' sā hogā na koī phir kabhī

bab sab hum ne mohabbat ke paDhe

'mir' sa hoga na koi phir kabhi

qaid kyā dair-o-haram kī zāhido

jalva-gar hai har taraf merā sanam

qaid kya dair-o-haram ki zahido

jalwa-gar hai har taraf mera sanam

in bahāroñ kī havāoñ ko shikāyat ham se hai

ham kalī ko lams se gul karte haiñ jān-e-jigar

in bahaaron ki hawaon ko shikayat hum se hai

hum kali ko lams se gul karte hain jaan-e-jigar

aarzū ik 'ishq kī laa.ī 'adam se dahr tak

kaifiyat ye paane ko piitā hai aadam zahr tak

aarzu ek 'ishq ki lai 'adam se dahr tak

kaifiyat ye pane ko pita hai aadam zahr tak

ye garajnā bādaloñ kā yuuñ lage

baat mujh se kartā ho jaise ḳhudā

ye garajna baadalon ka yun lage

baat mujh se karta ho jaise KHuda