کاٹ آگاہیوں کی فصل مگر

ذہن میں کچھ نئے سوال اگا

فرصت ہو تو یہ جسم بھی مٹی میں دبا دو

لو پھر میں زماں اور مکاں سے نکل آیا

ان کی یاد میں بہتے آنسو خشک اگر ہو جائیں گے

سات سمندر اپنی خالی آنکھوں میں بھر لاؤں گا

اٹھا ہی لایا سبھی راستے وہ کاندھوں پر

یقین اس پہ نہ کرتا تو میں کدھر جاتا

گماں نہ تھا کہ لفافے میں خط کے بدلے وہ

لہو لہان تڑپتی زبان رکھ دے گا

اس گھومتی زمین کا محور ہی توڑ دو

بے کار گردشوں پہ خفا ہو رہے ہوں کیوں

اپنے گلے پہ چلتی چھری کا بھی دھیان رکھ

وہ تیز ہے یا کند ذرا دھار دیکھ لے