du.aa.o.n me.n asar baaqii na aaho.n me.n asar baaqii hai kuchh le de ke gar baaqii to hai ik chashm-e-tar baaqii ye kaisaa haadsa guzraa ye kaisaa saaneha biitaa na aa.ngan hai na chhat baaqii na hai.n diivaar-o-dar baaqii chaman vaalo.n kii bad-zauqii pe kaliyaa.n jaan khotii hai.n na hai.n ahl-e-nazar baaqii na ko.ii diida-var baaqii pataa kyaa puuchhte hai.n aap ham sahraa-navardo.n se na apnaa shahr hai baaqii mohalla hai na ghar baaqii fazaa.e.n chup havaa.e.n chup sadaa.e.n chup nidaa.e.n chup navaa-e-niim-shab baaqii na hai baa.ng-e-sahar baaqii KHudaa jaane nizaam-e-mai-kada ko kyaa hu.aa 'shamsii' na vo husn-e-ataa baaqii na vo lutf-e-nazar baaqii