ġham kā sūraj to Dūbtā hī nahīñ

dhuup hī dhuup hai kidhar jaa.eñ

gham ka suraj to Dubta hi nahin

dhup hi dhup hai kidhar jaen

shahr bhar ke ā.īnoñ par ḳhaak Daalī jā.egī

aaj phir sachchā.ī kī sūrat chhupā lī jā.egī

shahr bhar ke aainon par KHak Dali jaegi

aaj phir sachchai ki surat chhupa li jaegi

tilism toḌ diyā ik sharīr bachche ne

mirā vajūd udāsī kā isti.ārā thā

tilism toD diya ek sharir bachche ne

mera wajud udasi ka istiara tha

raat kī sarhad yaqīnan aa ga.ī

jism se saayā judā hone lagā

raat ki sarhad yaqinan aa gai

jism se saya juda hone laga

hamārā sher bhī lauh-e-tilism hai shāyad

har ek ruḳh se hameñ be-naqāb kartā hai

hamara sher bhi lauh-e-tilism hai shayad

har ek ruKH se hamein be-naqab karta hai