sahar ko saath uḌā le ga.ī sabā jaise

ye kis ne kar diye raste dhuāñ dhuāñ mere

sahar ko sath uDa le gai saba jaise

ye kis ne kar diye raste dhuan dhuan mere

lahū meñ phuul khilāne kahāñ se aate haiñ

na.e ḳhayāl na jaane kahāñ se aate haiñ

lahu mein phul khilane kahan se aate hain

nae KHayal na jaane kahan se aate hain

kab ban-bās kaTe is shahar ke logoñ kā

qufl khuleñ kab jaane band makānoñ ke

kab ban-bas kaTe is shahar ke logon ka

qufl khulen kab jaane band makanon ke

yuuñ ehtimām-e-radd-e-sahar kar diyā gayā

har raushnī ko shahr-badar kar diyā gayā

yun ehtimam-e-radd-e-sahar kar diya gaya

har raushni ko shahr-badar kar diya gaya

samundaroñ ko sikhātā hai kaun tarz-e-ḳhirām

zamīñ kī tah meñ ḳhazāne kahāñ se aate haiñ

samundaron ko sikhata hai kaun tarz-e-KHiram

zamin ki tah mein KHazane kahan se aate hain