jab Duub ke marnā hai to kyā soch rahe ho

in jhiil sī āñkhoñ meñ utar kyuuñ nahīñ jaate

jab Dub ke marna hai to kya soch rahe ho

in jhil si aankhon mein utar kyun nahin jate

jañg kā shor bhī kuchh der to tham saktā hai

phir se ik amn kī afvāh uḌā dī jaa.e

jang ka shor bhi kuchh der to tham sakta hai

phir se ek amn ki afwah uDa di jae

ye kaisā dasht-e-tahayyur hai yaañ se kuuch karo

hamāre paañv se raftār khīñchtā hai koī

ye kaisa dasht-e-tahayyur hai yan se kuch karo

hamare panw se raftar khinchta hai koi

tū mere saath nahīñ hai to sochtā huuñ maiñ

ki ab to tujh se bichhaḌne kā koī Dar bhī nahīñ

tu mere sath nahin hai to sochta hun main

ki ab to tujh se bichhaDne ka koi Dar bhi nahin

shāḳh-e-mizhgāñ pe mahakne lage zaḳhmoñ ke gulāb

pichhle mausam kī mulāqāt kī bū zinda hai

shaKH-e-mizhgan pe mahakne lage zaKHmon ke gulab

pichhle mausam ki mulaqat ki bu zinda hai