fursat meñ rahā karte haiñ fursat se zyāda

masrūf haiñ ham log zarūrat se zyāda

fursat mein raha karte hain fursat se zyaada

masruf hain hum log zarurat se zyaada

har ek dāstāñ tujh se shurūa hotī hai

har ek qissa tire naam par tamām huā

har ek dastan tujh se shurua hoti hai

har ek qissa tere nam par tamam hua

maiñ vo sahrā jise paanī kī havas le Duubī

tū vo bādal jo kabhī TuuT ke barsā hī nahīñ

main wo sahra jise pani ki hawas le Dubi

tu wo baadal jo kabhi TuT ke barsa hi nahin

safar safar mire qadmoñ se jagmagāyā huā

taraf taraf hai mirī ḳhāk-e-justujū raushan

safar safar mere qadmon se jagmagaya hua

taraf taraf hai meri KHak-e-justuju raushan

sāmne āñkhoñ ke phir yaḳh-basta manzar aa.egā

dhuup jam jā.egī āñgan meñ december aa.egā

samne aankhon ke phir yaKH-basta manzar aaega

dhup jam jaegi aangan mein december aaega