dāstāñ huuñ maiñ ik tavīl magar

tū jo sun le to muḳhtasar bhī huuñ

dastan hun main ek tawil magar

tu jo sun le to muKHtasar bhi hun

maiñ jañgaloñ kī taraf chal paḌā huuñ chhoḌ ke ghar

ye kyā ki ghar kī udāsī bhī saath ho ga.ī hai

main jangalon ki taraf chal paDa hun chhoD ke ghar

ye kya ki ghar ki udasi bhi sath ho gai hai

niiñd aisī ki raat kam paḌ jaa.e

ḳhvāb aisā ki muñh khulā rah jaa.e

nind aisi ki raat kam paD jae

KHwab aisa ki munh khula rah jae

tamām nāḳhudā sāhil se duur ho jaa.eñ

samundaroñ se akele meñ baat karnī hai

tamam naKHuda sahil se dur ho jaen

samundaron se akele mein baat karni hai

vo jis kī chhāñv meñ pachchīs saal guzre haiñ

vo peḌ mujh se koī baat kyuuñ nahīñ kartā

wo jis ki chhanw mein pachchis sal guzre hain

wo peD mujh se koi baat kyun nahin karta