dekhiye ab na yaad aa.iye aap

aaj kal aap se ḳhafā huuñ maiñ

dekhiye ab na yaad aaiye aap

aaj kal aap se KHafa hun main

kyā tumheñ ahd-e-mohabbat ke vo lamhe yaad haiñ

jab nigāheñ boltī thiiñ aur ham ḳhāmosh the

kya tumhein ahd-e-mohabbat ke wo lamhe yaad hain

jab nigahen bolti thin aur hum KHamosh the

maiñ ne betāb ho ke haath baḌhā.e

us ne betāb ho ke chuum liye

main ne betab ho ke hath baDhae

us ne betab ho ke chum liye

muravvat meñ hone lagā hai izāfa

mohabbat meñ aane lagī hai kamī

murawwat mein hone laga hai izafa

mohabbat mein aane lagi hai kami

tumhārī yaad baḌī ḳhush-gavār thī lekin

dil-e-hazīñ ke liye talḳhiyāñ baḌhā bhī ga.ī

tumhaari yaad baDi KHush-gawar thi lekin

dil-e-hazin ke liye talKHiyan baDha bhi gai

vo multafit the ham hī bayāñ kar sake na haal

manzil ke paas aa ke qadam Dagmagā ga.e

wo multafit the hum hi bayan kar sake na haal

manzil ke pas aa ke qadam Dagmaga gae