بہت سے غم چھپے ہوں گے ہنسی میں

ذرا ان ہنسنے والوں کو ٹٹولو

ہماری زندگی کہنے کی حد تک زندگی ہے بس

یہ شیرازہ بھی دیکھا جائے تو برہم ہے برسوں سے

غریب کو ہوس زندگی نہیں ہوتی

بس اتنا ہے کہ وہ عزت سے مرنا چاہتا ہے

سلیقہ بولنے کا ہو تو بولو

نہیں تو چپ بھلی ہے لب نہ کھولو

ہر غم سہنا اور خوش رہنا

مشکل ہے آسان نہیں ہے

کہاں ملے گی بھلا اس ستم گری کی مثال

ترس بھی کھاتا ہے مجھ پر تباہ کر کے مجھے

اب کے وقارؔ ایسے بچھڑے ہیں

ملنے کا امکان نہیں ہے

ان آنسوؤں سے بھلا میرا کیا بھلا ہوگا

وہ میرے بعد جو رویا بھی یاد کر کے مجھے

دل میں جو مر جائے وہ ہے ارماں

جو نکلے ارمان نہیں ہے

خوشی دامن کشاں ہے دل اسیر غم ہے برسوں سے

ہماری زندگی کا ایک ہی عالم ہے برسوں سے

میں زندگی کو لیے پھر رہا ہوں کب سے وقارؔ

یہ بوجھ اب مرے سر سے اترنا چاہتا ہے

وقارؔ اے کاش میری عمر میں شامل نہ کی جائے

وہ مدت ہاں وہی مدت جو گزری ان کی فرقت میں