سنتا رہتا ہوں تو وہ کچھ بھی کہے جاتا ہے

اس کو لگتا ہے کہ معیار یہی ہے اپنا

خوشبوؤں کا نزول ہوتا تھا

پہلے پتا بھی پھول ہوتا تھا

مرے خمیر پہ ساری ہی صرف ہو گئی تھی

پھر اس کے بعد اداسی نئی بنائی گئی

تجھ کو ہو میرے لمس کی خواہش شدید تر

تجھ سے تمام عمر مرا سامنا نہ ہو

ہوس نہ پوری ہوئی جب کہیں تو علم ہوا

ترے بدن کا رہا مجھ کو آسرا بڑی دیر

پھر تری مختاریٔ عالم کا کیا

میں نے تجھ سے کچھ نہیں مانگا اگر

مرتے وقت فرشتہ بولے

کیمرہ دیکھ کے ہاتھ ہلائیں

قید کرتا ہوں حسرتیں دل میں

پھر انہیں خودکشی سکھاتا ہوں

میں وہ پتھر ہوں کہ وحشت میں اٹھا کر جس کو

بے سبب یوںہی کہیں پھینک دیا جاتا ہے

ہم دعا کو ہاتھ اٹھائے گڑگڑاتے رہ گئے

تم نے طنزاً بھی اگر کچھ بات کی پوری ہوئی

اب وہ اچھا مجھے پسند نہیں

جو برا بھی قبول ہوتا تھا