suntā rahtā huuñ to vo kuchh bhī kahe jaatā hai

us ko lagtā hai ki me'yār yahī hai apnā

sunta rahta hun to wo kuchh bhi kahe jata hai

us ko lagta hai ki me'yar yahi hai apna

ḳhushbūoñ kā nuzūl hotā thā

pahle pattā bhī phuul hotā thā

KHushbuon ka nuzul hota tha

pahle patta bhi phul hota tha

mire ḳhamīr pe saarī hī sarf ho ga.ī thī

phir us ke baa'd udāsī na.ī banā.ī ga.ī

mere KHamir pe sari hi sarf ho gai thi

phir us ke ba'd udasi nai banai gai

tujh ko ho mere lams kī ḳhvāhish shadīd-tar

tujh se tamām 'umr mirā sāmnā na ho

tujh ko ho mere lams ki KHwahish shadid-tar

tujh se tamam 'umr mera samna na ho

havas na puurī huī jab kahīñ to 'ilm huā

tire badan kā rahā mujh ko aasrā baḌī der

hawas na puri hui jab kahin to 'ilm hua

tere badan ka raha mujh ko aasra baDi der

phir tirī muḳhtārī-e-'ālam kā kyā

maiñ ne tujh se kuchh nahīñ māñgā agar

phir teri muKHtari-e-'alam ka kya

main ne tujh se kuchh nahin manga agar

marte vaqt farishta bole

camera dekh ke haath hilā.eñ

marte waqt farishta bole

camera dekh ke hath hilaen

qaid kartā huuñ hasrateñ dil meñ

phir inheñ ḳhud-kushī sikhātā huuñ

qaid karta hun hasraten dil mein

phir inhen KHud-kushi sikhata hun

maiñ vo patthar huuñ ki vahshat meñ uThā kar jis ko

be-sabab yūñhī kahīñ pheñk diyā jaatā hai

main wo patthar hun ki wahshat mein uTha kar jis ko

be-sabab yunhi kahin phenk diya jata hai

ham du'ā ko haath uThā.e giḌgiḌāte rah ga.e

tum ne tanzan bhī agar kuchh baat kī puurī huī

hum du'a ko hath uThae giDgiDate rah gae

tum ne tanzan bhi agar kuchh baat ki puri hui

ab vo achchhā mujhe pasand nahīñ

jo burā bhī qubūl hotā thā

ab wo achchha mujhe pasand nahin

jo bura bhi qubul hota tha