be-sadā kyuuñ guzarte ho āvāz do

ab bhī kuchh log andar makānoñ meñ haiñ

be-sada kyun guzarte ho aawaz do

ab bhi kuchh log andar makanon mein hain

dekhā to zindagī meñ bahut kāmyāb the

sochā to jiit aa.ī nazar maat kī tarah

dekha to zindagi mein bahut kaamyab the

socha to jit aai nazar mat ki tarah

aao purānī yaad ke sho.aloñ meñ taap leñ

kitne haiñ haath sard mulāqāt kī tarah

aao purani yaad ke shoalon mein tap len

kitne hain hath sard mulaqat ki tarah

ai paḌosī tū batā ham ko to kuchh hosh nahīñ

thā hamārā bhī koī ghar tire ghar se pahle

ai paDosi tu bata hum ko to kuchh hosh nahin

tha hamara bhi koi ghar tere ghar se pahle

shab palañg par hāñpte saa.e rahe

ḳhvāb darvāze khaḌā taktā rahā

shab palang par hanpte sae rahe

KHwab darwaze khaDa takta raha

khāñstī maddham sī ik āvāz jab se kho ga.ī

ġhairiyat kī bū se mahkā mujh ko apnā ghar milā

khansti maddham si ek aawaz jab se kho gai

ghairiyat ki bu se mahka mujh ko apna ghar mila