mirī ummīd kā sūraj ki terī aas kā chāñd

diye tamām hī ruḳh par havā ke rakkhe the

meri ummid ka suraj ki teri aas ka chand

diye tamam hi ruKH par hawa ke rakkhe the

baḌhe kuchh aur kisī iltijā se kam na hue

mire harīf tumhārī duā se kam na hue

baDhe kuchh aur kisi iltija se kam na hue

mere harif tumhaari dua se kam na hue

kārvāñ se jo bhī bichhḌā gard-e-sahrā ho gayā

TuuT kar patte kab apnī shāḳh par vāpas hue

karwan se jo bhi bichhDa gard-e-sahra ho gaya

TuT kar patte kab apni shaKH par wapas hue

ḳhush-gumāñ har aasrā be-āsrā sābit huā

zindagī tujh se ta.alluq khokhlā sābit huā

KHush-guman har aasra be-asra sabit hua

zindagi tujh se talluq khokhla sabit hua

yūñhī kisī kī koī bandagī nahīñ kartā

butoñ ke chehroñ pe tevar ḳhudā ke rakkhe the

yunhi kisi ki koi bandagi nahin karta

buton ke chehron pe tewar KHuda ke rakkhe the

kyā ḳhabar kis moḌ par bikhre matā-e-ehtiyāt

pattharoñ ke shahr meñ huuñ ā.īna oḌhe hue

kya KHabar kis moD par bikhre mata-e-ehtiyat

pattharon ke shahr mein hun aaina oDhe hue

tamām phuul mahakne lage haiñ khil khil kar

chaman meñ shoḳhi-e-bād-e-sabā ko chhūte hī

tamam phul mahakne lage hain khil khil kar

chaman mein shoKHi-e-baad-e-saba ko chhute hi