bastī bastī jañgal jañgal ghūmā maiñ

lekin apne ghar meñ aa kar soyā maiñ

basti basti jangal jangal ghuma main

lekin apne ghar mein aa kar soya main

ba-zāhir yuuñ to maiñ simTā huā huuñ

agar socho to phir bikhrā huā huuñ

ba-zahir yun to main simTa hua hun

agar socho to phir bikhra hua hun

kyā jaane kyuuñ jaltī hai

sadiyoñ se bichārī dhuup

kya jaane kyun jalti hai

sadiyon se bichaari dhup

na kaho tum bhī kuchh na ham boleñ

aao ḳhāmoshiyoñ ke lab kholeñ

na kaho tum bhi kuchh na hum bolen

aao KHamoshiyon ke lab kholen

sirf zafar 'tābish' haiñ ham

'ġhālib' 'mīr' na 'hālī' haiñ

sirf zafar 'tabish' hain hum

'ghaalib' 'mir' na 'haali' hain