جس کی کچھ تعبیر نہ ہو

خواب اسی کو کہتے ہیں

صدیوں میں کوئی ایک محبت ہوتی ہے

باقی تو سب کھیل تماشا ہوتا ہے

زمانے بھر کو ہے امید اسی سے

وہ ناامید ایسا کر رہا ہے

خوشی سے اپنا گھر آباد کر کے

بہت روئیں گے تم کو یاد کر کے

اور احساس جہالت بڑھ گیا

کس قدر پڑھ لکھ کے جاہل ہو گئے

یوں ہی ہم درد اپنا کھو رہے ہیں

یہی رونا ہے ہم کیوں رو رہے ہیں

زرد چہرے کو بڑے شوق سے سب دیکھتے ہیں

ٹوٹنے والے ہیں سرسبز شجر سے ہم بھی

سطحی لوگوں میں گہرائی ہوتی ہے

یہ ڈوبے تو پانی گہرا ہوتا ہے

کسی دن عقدۂ مشکل بھی کھلتا

کبھی ہم پر بھی تم آسان ہوتے

کچھ نہ ہوتے ہوتے اک دن یہ ہوا

سیکڑوں صدیوں کا حاصل ہو گئے