maiñ ne māñgī thī ujāle kī faqat ek kiran

tum se ye kis ne kahā aag lagā dī jaa.e

main ne mangi thi ujale ki faqat ek kiran

tum se ye kis ne kaha aag laga di jae

aas hai saañs ke ukhaḌne tak

aaj kī raat ham pe bhārī hai

aas hai sans ke ukhaDne tak

aaj ki raat hum pe bhaari hai

kisī ke ghar meñ lagā.ī hai aag apnoñ ne

tamāshā dekh rahī haiñ tamāsh-bīñ āñkheñ

kisi ke ghar mein lagai hai aag apnon ne

tamasha dekh rahi hain tamash-bin aankhen

jāgtī raat ke tasalsul meñ

soī āñkhoñ ke ratjage likkhe

jagti raat ke tasalsul mein

soi aankhon ke ratjage likkhe

ye kyā huā hai mujhe chain kyoñ nahīñ aatā

kisī kī aañkh se aañsū kahīñ girā hai kyā

ye kya hua hai mujhe chain kyon nahin aata

kisi ki aankh se aansu kahin gira hai kya

kab tak jaan bachā.e phuul pe os kā nanhā qatra

pattoñ kī bhī oT meñ ho to sūraj pal pal ḳhatra

kab tak jaan bachae phul pe os ka nanha qatra

patton ki bhi oT mein ho to suraj pal pal KHatra

tum to shaan se nikle the le haath meñ merā haath

Dar kar duniyā vāloñ se kyuuñ chhoḌ diyā hai saath

tum to shan se nikle the le hath mein mera hath

Dar kar duniya walon se kyun chhoD diya hai sath

pahle pahle pyaar kī sājan pahlī hai barsāt

oḌh ke leTī yaad tirī aur jaag ke kaaTī raat

pahle pahle pyar ki sajan pahli hai barsat

oDh ke leTi yaad teri aur jag ke kaTi raat

jaane kitne mausam biite tum na lauT ke aa.e

man dukhiyārā birah kā maarā kab tak aas lagā.e

jaane kitne mausam bite tum na lauT ke aae

man dukhiyara birah ka mara kab tak aas lagae

dam bhar meñ hue sūkhe patte kāñTe aur babūl

sājan jab tak aap yahāñ the khile rahe sab phuul

dam bhar mein hue sukhe patte kanTe aur babul

sajan jab tak aap yahan the khile rahe sab phul