ye nafsiyātī marīzoñ kā shahr hai 'qaisar'

koī savāl uThāoge maare jāoge

ye nafsiyati marizon ka shahr hai 'qaisar'

koi sawal uThaoge mare jaoge

tirā javāb mire kaam kā nahīñ hai ab

ki maiñ to bhuul chukā huuñ savāl vaise hī

tera jawab mere kaam ka nahin hai ab

ki main to bhul chuka hun sawal waise hi

tirī tasvīr uThā.ī huī hai

raushnī ḳhvāb meñ aa.ī huī hai

teri taswir uThai hui hai

raushni KHwab mein aai hui hai

maiñ us ke jaal meñ ā.ūñgā dekhnā 'qaisar'

vo mujh ko dhoke se ghar meñ bulā ke māregā

main us ke jal mein aaunga dekhna 'qaisar'

wo mujh ko dhoke se ghar mein bula ke marega

sub.h tak be-talab maiñ jāgūñgā

aaj to be-sabab maiñ jāgūñgā

subh tak be-talab main jagunga

aaj to be-sabab main jagunga