apnī zaat ke saare ḳhufiya raste us par khol diye

jaane kis aalam meñ us ne haal hamārā pūchhā thā

apni zat ke sare KHufiya raste us par khol diye

jaane kis aalam mein us ne haal hamara puchha tha

bhaTak jaatī haiñ tum se duur chehroñ ke ta.āqub meñ

jo tum chāho mirī āñkhoñ pe apnī uñgliyāñ rakh do

bhaTak jati hain tum se dur chehron ke taaqub mein

jo tum chaho meri aankhon pe apni ungliyan rakh do

idhar udhar se muqābil ko yuuñ na ghā.il kar

vo sañg pheñk ki be-sāḳhta nishāna lage

idhar udhar se muqabil ko yun na ghail kar

wo sang phenk ki be-saKHta nishana lage

jalā hai dil yā koī ghar ye dekhnā logo

havā.eñ phirtī haiñ chāroñ taraf dhuāñ le kar

jala hai dil ya koi ghar ye dekhna logo

hawaen phirti hain chaaron taraf dhuan le kar

kachchī dīvāroñ ko paanī kī lahar kaaT ga.ī

pahlī bārish hī ne barsāt kī Dhāyā hai mujhe

kachchi diwaron ko pani ki lahar kaT gai

pahli barish hi ne barsat ki Dhaya hai mujhe