sunte haiñ chamaktā hai vo chāñd ab bhī sar-e-bām

hasrat hai ki bas ek nazar dekh leñ ham bhī

sunte hain chamakta hai wo chand ab bhi sar-e-baam

hasrat hai ki bas ek nazar dekh len hum bhi

vo bhī shāyad ro paḌe vīrān kāġhaz dekh kar

maiñ ne us ko āḳhirī ḳhat meñ likhā kuchh bhī nahīñ

wo bhi shayad ro paDe viran kaghaz dekh kar

main ne us ko aaKHiri KHat mein likha kuchh bhi nahin

na so sakā huuñ na shab jaag kar gizārī hai

ajiib din haiñ sukūñ hai na be-qarārī hai

na so saka hun na shab jag kar gizari hai

ajib din hain sukun hai na be-qarari hai

vo jise saare zamāne ne kahā merā raqīb

maiñ ne us ko ham-safar jaanā ki tū us kī bhī thī

wo jise sare zamane ne kaha mera raqib

main ne us ko ham-safar jaana ki tu us ki bhi thi

luT gayā hai safar meñ jo kuchh thā

paas apne makān tak bhī nahīñ

luT gaya hai safar mein jo kuchh tha

pas apne makan tak bhi nahin