hameñ to yaad nahīñ koī lamha-e-ishrat

kabhī tumhīñ ne kisī din hañsā diyā hogā

hamein to yaad nahin koi lamha-e-ishrat

kabhi tumhin ne kisi din hansa diya hoga

dil kī har baat kah ga.e aañsū

gir ke āñkhoñ se rah ga.e aañsū

dil ki har baat kah gae aansu

gir ke aankhon se rah gae aansu

dekh kar kaalī ghaTā ahl-e-qafas

aur kyā karte taḌap kar rah ga.e

dekh kar kali ghaTa ahl-e-qafas

aur kya karte taDap kar rah gae

tark-e-ulfat se mohabbat kā likhā miT na sakā

vahī afsurdagī-e-shām-o-sahar aaj bhī hai

tark-e-ulfat se mohabbat ka likha miT na saka

wahi afsurdagi-e-sham-o-sahar aaj bhi hai

phirtī hai to phir jaa.e badaltī hai to badle

duniyā kī nazar hai mirī qismat to nahīñ hai

phirti hai to phir jae badalti hai to badle

duniya ki nazar hai meri qismat to nahin hai

kamar bāñdho muqaddar ke sahāre baiThne vaalo

shikast-e-razm se rāhoñ kā pech-o-ḳham na badlegā

kamar bandho muqaddar ke sahaare baiThne walo

shikast-e-razm se rahon ka pech-o-KHam na badlega