Sher on Abroo

na jā.egā mere dil se ḳhayāl-e-abrū-e-dil-bar

ki teġhoñ hī ke saa.e meñ to hai jannat musalmāñ kī

na jaega mere dil se KHayal-e-abru-e-dil-bar

ki teghon hi ke sae mein to hai jannat musalman ki

bal paḌe chitvan pe abrū tan ke ḳhanjar ho ga.e

zikr-e-vasl aate hī vo jaame se bāhar ho ga.e

bal paDe chitwan pe abru tan ke KHanjar ho gae

zikr-e-wasl aate hi wo jame se bahar ho gae

hai isī meñ pyaar kī aabrū vo jafā kareñ maiñ vafā karūñ

jo vafā bhī kaam na aa sake to vahī kaheñ ki maiñ kyā karūñ

hai isi mein pyar ki aabru wo jafa karen main wafa karun

jo wafa bhi kaam na aa sake to wahi kahen ki main kya karun