Sher on Azal

maiñ bistar-e-ḳhayāl pe leTā huuñ us ke paas

sub.h-e-azal se koī taqāzā kiye baġhair

main bistar-e-KHayal pe leTa hun us ke pas

subh-e-azal se koi taqaza kiye baghair

azal se qaa.em haiñ donoñ apnī zidoñ pe 'mohsin'

chalegā paanī magar kināra nahīñ chalegā

azal se qaem hain donon apni zidon pe 'mohsin'

chalega pani magar kinara nahin chalega

azal se tā-ba-abad ek hī kahānī hai

isī se ham ko na.ī dāstāñ banānī hai

azal se ta-ba-abad ek hi kahani hai

isi se hum ko nai dastan banani hai

kitne mah-o-anjum haiñ ziyā-pāsh azal se

lekin na huī kam dil-e-insāñ kī siyāhī

kitne mah-o-anjum hain ziya-pash azal se

lekin na hui kam dil-e-insan ki siyahi

adā.eñ tā-abad bikhrī paḌī haiñ

azal meñ phaT paḌā joban kisī kā

adaen ta-abad bikhri paDi hain

azal mein phaT paDa joban kisi ka

maiñ rūh-e-ālam-e-imkāñ meñ sharh-e-azmat-e-yazdāñ

azal hai merī bedārī abad ḳhvāb-e-girāñ merā

main ruh-e-alam-e-imkan mein sharh-e-azmat-e-yazdan

azal hai meri bedari abad KHwab-e-giran mera

dast-e-junūñ ne phaaḌ ke pheñkā idhar-udhar

dāman abad meñ hai to garebāñ azal meñ hai

dast-e-junun ne phaD ke phenka idhar-udhar

daman abad mein hai to gareban azal mein hai

vāpas palaT rahe haiñ azal kī talāsh meñ

mansūḳh aap apnā likhā kar rahe haiñ ham

wapas palaT rahe hain azal ki talash mein

mansuKH aap apna likha kar rahe hain hum

azal se merī hifāzat kā farz hai un par

sabhī dukhoñ ko mere ās-pās honā hai

azal se meri hifazat ka farz hai un par

sabhi dukhon ko mere aas-pas hona hai

azal se ham-nafasī hai jo jān-e-jāñ se hameñ

payām dam-ba-dam aatā hai lā-makāñ se hameñ

azal se ham-nafasi hai jo jaan-e-jaan se hamein

payam dam-ba-dam aata hai la-makan se hamein

mirī zamīn pe phailā hai āsmān-e-adam

azal se mere zamāne pe ik zamāna hai

meri zamin pe phaila hai aasman-e-adam

azal se mere zamane pe ek zamana hai

rok letā hai abad vaqt ke us paar kī raah

dūsrī samt se jā.ūñ to azal paḌtā hai

rok leta hai abad waqt ke us par ki rah

dusri samt se jaun to azal paDta hai

ḳhatt-e-peshānī meñ saffāk azal ke din se

terī talvār se likkhī hai shahādat merī

KHatt-e-peshani mein saffak azal ke din se

teri talwar se likkhi hai shahadat meri