MUZTAR KHAIRABADI

  • 1865-1927

Grand father of noted poet and lyricist Javed Akhtar.

info iconClick on any word for its meaning

āñkheñ na churāo dil meñ rah kar


chorī na karo ḳhudā ke ghar meñ

agar taqdīr sīdhī hai to ḳhud ho jāoge sīdhe


ḳhafā baiThe raho tum ko manāne kaun aatā hai

ai ishq kahīñ le chal ye dair-o-haram chhūTeñ


in donoñ makānoñ meñ jhagḌā nazar aatā hai

asiir-e-panja-e-ahd-e-shabāb kar ke mujhe


kahāñ gayā mirā bachpan ḳharāb kar ke mujhe

burā huuñ maiñ jo kisī burā.iyoñ meñ nahīñ


bhale ho tum jo kisī bhalā nahīñ karte

hamāre ek dil ko un do zulfoñ ne gherā hai


ye kahtī hai ki merā hai vo kahtī hai ki merā hai

ik ham haiñ ki ham ne tumheñ ma.ashūq banāyā


ik tum ho ki tum ne hameñ rakkhā na kahīñ

ikaTThe kar ke terī dūsrī tasvīr khīñchūñgā


vo sab jalve jo chhan chhan kar tirī chilman se nikleñge

ilaaj-e-dard-e-dil tum se masīhā ho nahīñ saktā


tum achchhā kar nahīñ sakte maiñ achchhā ho nahīñ saktā

jo pūchhā muñh dikhāne aap kab chilman se nikleñge


to bole aap jis din hashr meñ madfan se nikleñge

laḌā.ī hai to achchhā raat-bhar yuuñ basar kar lo


ham apnā muñh idhar kar leñ tum apnā muñh udhar kar lo

mohabbat meñ kisī ne sar paTakne sabab pūchhā


to kah dūñgā ki apnī mushkileñ āsān kartā huuñ

musībat aur lambī zindagānī


buzurgoñ duā ne maar Daalā

na kisī aañkh nuur huuñ na kisī ke dil qarār huuñ


jo kisī ke kaam na aa sake maiñ vo ek musht-e-ġhubār huuñ

tasavvur meñ tirā dar apne sar tak khīñch letā huuñ


sitamgar maiñ nahīñ chaltā tirī dīvār chaltī hai

tumheñ chāhūñ tumhāre chāhne vāloñ ko bhī chāhūñ


mirā dil pher do mujh se ye jhagḌā ho nahīñ saktā

un ik patlā ḳhanjar un ik nāzuk haath


vo to ye kahiye mirī gardan ḳhushī meñ kaT ga.ī

un ko aatī thī niiñd aur mujh ko


apnā qissa tamām karnā thā

vaqt do mujh par kaThin guzre haiñ saarī umr meñ


ik tire aane se pahle ik tire jaane ke ba.ad

vo shāyad ham se ab tark-e-ta.alluq karne vaale haiñ


hamāre dil pe kuchh afsurdagī chhā.ī jaatī hai

comments powered by Disqus