بیسٹ سوری شاعری

شب جو ہم سے ہوا معاف کرو

نہیں پی تھی بہک گئے ہوں گے

بے خودی میں لے لیا بوسہ خطا کیجے معاف

یہ دل بیتاب کی ساری خطا تھی میں نہ تھا

ہے آج رخ ہوا کا موافق تو چل نکل

کل کی کسے خبر ہے کدھر کی ہوا چلے

مجھ کو کافی ہے بس اک تیرا موافق ہونا

ساری دنیا بھی مخالف ہو تو کیا ہوتا ہے

معاف کر نہ سکی میری زندگی مجھ کو

وہ ایک لمحہ کہ میں تجھ سے تنگ آیا تھا

یہ فیض عشق تھا کہ ہوئی ہر خطا معاف

وہ خوش نہ ہو سکے تو خفا بھی نہ ہو سکے

خطا اس کی معافی سے بڑی ہے

میں کیا کرتا سزا دینی پڑی ہے

سیر بہار باغ سے ہم کو معاف کیجیئے

اس کے خیال زلف سے دردؔ کسے فراغ ہے

پوچھا ہے حال زار تو سن لو خطا معاف

کچھ بات میرے ہونٹوں میں ہے کچھ زبان میں

کوئی زاری سنی نہیں جاتی کوئی جرم معاف نہیں ہوتا

اس دھرتی پر اس چھت کے تلے کوئی تیرے خلاف نہیں ہوتا