Best Sorry Shayari

shab jo ham se huā muaaf karo

nahīñ pī thī bahak ga.e hoñge

shab jo hum se hua muaf karo

nahin pi thi bahak gae honge

be-ḳhudī meñ le liyā bosa ḳhatā kiije muaaf

ye dil-e-betāb kī saarī ḳhatā thī maiñ na thā

be-KHudi mein le liya bosa KHata kije muaf

ye dil-e-betab ki sari KHata thi main na tha

hai aaj ruḳh havā kā muāfiq to chal nikal

kal kī kise ḳhabar hai kidhar kī havā chale

hai aaj ruKH hawa ka muafiq to chal nikal

kal ki kise KHabar hai kidhar ki hawa chale

mujh ko kaafī hai bas ik terā muāfiq honā

saarī duniyā bhī muḳhālif ho to kyā hotā hai

mujh ko kafi hai bas ek tera muafiq hona

sari duniya bhi muKHalif ho to kya hota hai

muaaf kar na sakī merī zindagī mujh ko

vo ek lamha ki maiñ tujh se tañg aayā thā

muaf kar na saki meri zindagi mujh ko

wo ek lamha ki main tujh se tang aaya tha

ye faiz-e-ishq thā ki huī har ḳhatā muaaf

vo ḳhush na ho sake to ḳhafā bhī na ho sake

ye faiz-e-ishq tha ki hui har KHata muaf

wo KHush na ho sake to KHafa bhi na ho sake

ḳhatā us kī muāfī se baḌī hai

maiñ kyā kartā sazā denī paḌī hai

KHata us ki muafi se baDi hai

main kya karta saza deni paDi hai

sair-e-bahār-e-bāġh se ham ko muaaf kījiye

us ke ḳhayāl-e-zulf se 'dard' kise farāġh hai

sair-e-bahaar-e-bagh se hum ko muaf kijiye

us ke KHayal-e-zulf se 'dard' kise faragh hai

pūchhā hai hāl-e-zār to sun lo ḳhatā-muāf

kuchh baat mere hoñToñ meñ hai kuchh zabān meñ

puchha hai haal-e-zar to sun lo KHata-muaf

kuchh baat mere honTon mein hai kuchh zaban mein

koī zaarī sunī nahīñ jaatī koī jurm muaaf nahīñ hotā

is dhartī par is chhat ke tale koī tere ḳhilāf nahīñ hotā

koi zari suni nahin jati koi jurm muaf nahin hota

is dharti par is chhat ke tale koi tere KHilaf nahin hota