Mohabbat kar ke dekho naa... On Valentine’s Day

hosh vāloñ ko ḳhabar kyā be-ḳhudī kyā chiiz hai

ishq kiije phir samajhiye zindagī kyā chiiz hai

hosh walon ko KHabar kya be-KHudi kya chiz hai

ishq kije phir samajhiye zindagi kya chiz hai

ishq par zor nahīñ hai ye vo ātish 'ġhālib'

ki lagā.e na lage aur bujhā.e na bane

ishq par zor nahin hai ye wo aatish 'ghaalib'

ki lagae na lage aur bujhae na bane

karūñgā kyā jo mohabbat meñ ho gayā nākām

mujhe to aur koī kaam bhī nahīñ aatā

karunga kya jo mohabbat mein ho gaya nakaam

mujhe to aur koi kaam bhi nahin aata

aaj dekhā hai tujh ko der ke ba.ad

aaj kā din guzar na jaa.e kahīñ

aaj dekha hai tujh ko der ke baad

aaj ka din guzar na jae kahin

jo kahā maiñ ne ki pyaar aatā hai mujh ko tum par

hañs ke kahne lagā aur aap ko aatā kyā hai

jo kaha main ne ki pyar aata hai mujh ko tum par

hans ke kahne laga aur aap ko aata kya hai

jhukī jhukī sī nazar be-qarār hai ki nahīñ

dabā dabā sā sahī dil meñ pyaar hai ki nahīñ

jhuki jhuki si nazar be-qarar hai ki nahin

daba daba sa sahi dil mein pyar hai ki nahin

ik lafz-e-mohabbat kā adnā ye fasānā hai

simTe to dil-e-āshiq phaile to zamāna hai

ek lafz-e-mohabbat ka adna ye fasana hai

simTe to dil-e-ashiq phaile to zamana hai

vasl kā din aur itnā muḳhtasar

din gine jaate the is din ke liye

wasl ka din aur itna muKHtasar

din gine jate the is din ke liye

ye kahnā thā un se mohabbat hai mujh ko

ye kahne meñ mujh ko zamāne lage haiñ

ye kahna tha un se mohabbat hai mujh ko

ye kahne mein mujh ko zamane lage hain

mohabbat hī meñ milte haiñ shikāyat ke maze paiham

mohabbat jitnī baḌhtī hai shikāyat hotī jaatī hai

mohabbat hi mein milte hain shikayat ke maze paiham

mohabbat jitni baDhti hai shikayat hoti jati hai

ilaaj apnā karāte phir rahe ho jaane kis kis se

mohabbat kar ke dekho nā mohabbat kyuuñ nahīñ karte

ilaj apna karaate phir rahe ho jaane kis kis se

mohabbat kar ke dekho na mohabbat kyun nahin karte

log kahte haiñ ki tum se hī mohabbat hai mujhe

tum jo kahte ho ki vahshat hai to vahshat hogī

log kahte hain ki tum se hi mohabbat hai mujhe

tum jo kahte ho ki wahshat hai to wahshat hogi

mujhe ma.alūm hai ahl-e-vafā par kyā guzartī hai

samajh kar soch kar tujh se mohabbat kar rahā huuñ maiñ

mujhe malum hai ahl-e-wafa par kya guzarti hai

samajh kar soch kar tujh se mohabbat kar raha hun main

kiije iz.hār-e-mohabbat chāhe jo anjām ho

zindagī meñ zindagī jaisā koī to kaam ho

kije izhaar-e-mohabbat chahe jo anjam ho

zindagi mein zindagi jaisa koi to kaam ho

shāyad isī kā naam mohabbat hai 'sheftā'

ik aag sī hai siine ke andar lagī huī

shayad isi ka nam mohabbat hai 'shefta'

ek aag si hai sine ke andar lagi hui

iz.hār-e-mudda.ā kā irāda thā aaj kuchh

tevar tumhāre dekh ke ḳhāmosh ho gayā

izhaar-e-muddaa ka irada tha aaj kuchh

tewar tumhaare dekh ke KHamosh ho gaya

hamārī zindagī kyā hai mohabbat hī mohabbat hai

tumhārā bhī yahī dastūr ban jaa.e to achchhā ho

hamari zindagi kya hai mohabbat hi mohabbat hai

tumhaara bhi yahi dastur ban jae to achchha ho

maiñ to suntā huuñ tumheñ bhī hai mohabbat mujh se

sach kaho tum ko mire sar kī qasam hai ki nahīñ

main to sunta hun tumhein bhi hai mohabbat mujh se

sach kaho tum ko mere sar ki qasam hai ki nahin

ham mohabbat kī intihā kar deñ

haañ magar ibtidā kare koī

hum mohabbat ki intiha kar den

han magar ibtida kare koi

us ne pūchhā hai kyā mohabbat hai

ab bhalā kyā javāb duuñ us ko

us ne puchha hai kya mohabbat hai

ab bhala kya jawab dun us ko