Nafrat Par Shayari

ham se nafrat karo ki pyaar karo

koī rishta to ustuvār karo

hum se nafrat karo ki pyar karo

koi rishta to ustuwar karo

be piye hī sharāb se nafrat

ye jahālat nahīñ to phir kyā hai

be piye hi sharab se nafrat

ye jahaalat nahin to phir kya hai

kāġhaz pe ugal rahā hai nafrat

kam-zarf adiib ho gayā hai

kaghaz pe ugal raha hai nafrat

kam-zarf adib ho gaya hai

na.e saal meñ pichhlī nafrat bhulā deñ

chalo apnī duniyā ko jannat banā deñ

nae sal mein pichhli nafrat bhula den

chalo apni duniya ko jannat bana den

paḌe haiñ nafrat ke biich dil meñ baras rahā hai lahū kā sāvan

harī-bharī haiñ saroñ kī fasleñ badan pe zaḳhmoñ ke gul khile haiñ

paDe hain nafrat ke bich dil mein baras raha hai lahu ka sawan

hari-bhari hain saron ki faslen badan pe zaKHmon ke gul khile hain

saat sandūqoñ meñ bhar kar dafn kar do nafrateñ

aaj insāñ ko mohabbat kī zarūrat hai bahut

sat sanduqon mein bhar kar dafn kar do nafraten

aaj insan ko mohabbat ki zarurat hai bahut

bāhar insānoñ se nafrat hai lekin

ghar meñ Dheroñ bachche paidā karte haiñ

bahar insanon se nafrat hai lekin

ghar mein Dheron bachche paida karte hain

majnūñ se jo nafrat hai dīvānī hai tū lailā

vo ḳhaak uḌātā hai lekin nahīñ dil mailā

majnun se jo nafrat hai diwani hai tu laila

wo KHak uData hai lekin nahin dil maila

zoroñ pe 'salīm' ab ke hai nafrat kā bahāv

jo bach ke nikal aa.egā tairāk vahī hai

zoron pe 'salim' ab ke hai nafrat ka bahaw

jo bach ke nikal aaega tairak wahi hai

nafrat se hai nafrat ham ko priit hamārī riit

pyaar ke haiñ anmol ḳhazāne titlī phuul aur maiñ

nafrat se hai nafrat hum ko prit hamari rit

pyar ke hain anmol KHazane titli phul aur main