نفرت پر شاعری

ہم سے نفرت کرو کہ پیار کرو

کوئی رشتہ تو استوار کرو

بے پئے ہی شراب سے نفرت

یہ جہالت نہیں تو پھر کیا ہے

کاغذ پہ اگل رہا ہے نفرت

کم ظرف ادیب ہو گیا ہے

نئے سال میں پچھلی نفرت بھلا دیں

چلو اپنی دنیا کو جنت بنا دیں

پڑے ہیں نفرت کے بیچ دل میں برس رہا ہے لہو کا ساون

ہری بھری ہیں سروں کی فصلیں بدن پہ زخموں کے گل کھلے ہیں

سات صندوقوں میں بھر کر دفن کر دو نفرتیں

آج انساں کو محبت کی ضرورت ہے بہت

باہر انسانوں سے نفرت ہے لیکن

گھر میں ڈھیروں بچے پیدا کرتے ہیں

مجنوں سے جو نفرت ہے دیوانی ہے تو لیلیٰ

وہ خاک اڑاتا ہے لیکن نہیں دل میلا

زوروں پہ سلیمؔ اب کے ہے نفرت کا بہاؤ

جو بچ کے نکل آئے گا تیراک وہی ہے

نفرت سے ہے نفرت ہم کو پریت ہماری ریت

پیار کے ہیں انمول خزانے تتلی پھول اور میں