zamīñ ke aur taqāze falak kuchh aur kahe

qalam bhī chup hai ki ab moḌ le kahānī kyā

zamin ke aur taqaze falak kuchh aur kahe

qalam bhi chup hai ki ab moD le kahani kya

simaT ga.ī to shabnam phuul sitāra thī

biphar ke merī lahar lahar añgāra thī

simaT gai to shabnam phul sitara thi

biphar ke meri lahar lahar angara thi

chaar samteñ ā.īna sī har taraf

tum ko kho dene kā manzar aur maiñ

chaar samten aaina si har taraf

tum ko kho dene ka manzar aur main

us ne mere naam sūraj chāñd taare likh diyā

merā dil miTTī pe rakh apne lab rotā rahā

us ne mere nam suraj chand tare likh diya

mera dil miTTi pe rakh apne lab rota raha

rañg apne jo the bhar bhī kahāñ paa.e kabhī ham

ham ne to sadā radd-e-amal meñ hī basar kī

rang apne jo the bhar bhi kahan pae kabhi hum

hum ne to sada radd-e-amal mein hi basar ki