sub.h ko khul jā.egā donoñ meñ kyā yārāna hai

sham.a parvāna kī hai yā sham.a kā parvāna hai

subh ko khul jaega donon mein kya yarana hai

shama parwana ki hai ya shama ka parwana hai

mohabbat meñ kyā kyā na kuchh jaur hogā

abhī kyā huā hai abhī aur hogā

mohabbat mein kya kya na kuchh jaur hoga

abhi kya hua hai abhi aur hoga

ham aap ko dekhte the pahle

ab aap kī raah dekhte haiñ

hum aap ko dekhte the pahle

ab aap ki rah dekhte hain

vo ab kyā ḳhaak aa.e haa.e qismat meñ tarasnā thā

tujhe ai abr-e-rahmat aaj hī itnā barasnā thā

wo ab kya KHak aae hae qismat mein tarasna tha

tujhe ai abr-e-rahmat aaj hi itna barasna tha

vahī nazar meñ hai lekin nazar nahīñ aatā

samajh rahā huuñ samajh meñ magar nahīñ aatā

wahi nazar mein hai lekin nazar nahin aata

samajh raha hun samajh mein magar nahin aata