Today's top 5 Urdu Shayari

sune jaate na the tum se mire din raat ke shikve

kafan sarkāo merī be-zabānī dekhte jaao

sune jate na the tum se mere din raat ke shikwe

kafan sarkao meri be-zabani dekhte jao

ulfat meñ barābar hai vafā ho ki jafā ho

har baat meñ lazzat hai agar dil meñ mazā ho

ulfat mein barabar hai wafa ho ki jafa ho

har baat mein lazzat hai agar dil mein maza ho

kyuuñ pashemāñ ho agar va.ada vafā ho na sakā

kahīñ va.ade bhī nibhāne ke liye hote haiñ

kyun pasheman ho agar wada wafa ho na saka

kahin wade bhi nibhane ke liye hote hain

mirī apnī aur us kī aarzū meñ farq ye thā

mujhe bas vo use saarā zamāna chāhiye thā

meri apni aur us ki aarzu mein farq ye tha

mujhe bas wo use sara zamana chahiye tha

siyah-baḳhtī meñ kab koī kisī kā saath detā hai

ki tārīkī meñ saayā bhī judā rahtā hai insāñ se

siyah-baKHti mein kab koi kisi ka sath deta hai

ki tariki mein saya bhi juda rahta hai insan se